Cong. Pulong ug Acting Vice Mayor Rigo Duterte Manghatag og Sports Equipment ug Solar Lights

7/11/25, 4:00 AM

DAVAO CITY — Nagsugod na karong adlawa, July 10, ang pagpanghatag ni 1st District Congressman Paolo “Pulong” Duterte ug Acting Vice Mayor Rodrigo “Rigo” Duterte II og mga sports equipment sama sa basketball ring, fiber glass board, ug solar lights sa matag barangay sa Unang Distrito sa Davao City.

Unang nabinipisyohan sa maong inisyatiba ang Barangay 76-A Bucana ug Barangay Maa, diin personal nga mitunol sa mga gamit si Acting Vice Mayor Rigo Duterte.

DAVAO CITY — Nagsugod na karong adlawa, July 10, ang pagpanghatag ni 1st District Congressman Paolo “Pulong” Duterte ug Acting Vice Mayor Rodrigo “Rigo” Duterte II og mga sports equipment sama sa basketball ring, fiber glass board, ug solar lights sa matag barangay sa Unang Distrito sa Davao City. 

Unang nabinipisyohan sa maong inisyatiba ang Barangay 76-A Bucana ug Barangay Maa, diin personal nga mitunol sa mga gamit si Acting Vice Mayor Rigo Duterte. Walay pormal nga programa ni seremonyas nga gihimo atol sa pamahandi. 

Igo lang kini nga gihatod sa mga opisyal sa barangay aron mas paspas nga magamit sa katawhan. Mapasalamaton si Barangay Captain Robert Olan-Olan sa Barangay 76-A Bucana sa nadawat nga mga gamit. “Dako gyud ni’g tabang para sa among mga kabatan-onan. 

Sauna kahoy ra among board, karon fiber glass na gyud. Level up na ang among sports program,” matud ni Kap Olan-Olan. Gikatakda nga matag semana adunay laing barangay nga mahatagan hangtod matagana ang tanang barangay sa Unang Distrito. 

Ang maong kalihukan kabahin sa padayon nga paningkamot ni Cong. Pulong ug Acting Vice Mayor Rigo Duterte sa pagpasiugda sa youth development, barangay sports programs, ug suga sa komunidad pinaagi sa solar lighting systems.