MENSAHE NI VICE MAYOR RODRIGO “RIGO” DUTERTE II SA IKA-128 ANIBERSARYO NG ARAW NG KALAYAAN

6/12/26, 12:00 PM

MENSAHE NI VICE MAYOR RODRIGO “RIGO” DUTERTE II SA IKA-128 ANIBERSARYO NG ARAW NG KALAYAAN

Sa pagdiriwang natin ng ika-128 Anibersaryo ng Araw ng Kalayaan, buong pusong nagpupugay ang Lungsod ng Davao sa mga bayaning nag-alay ng kanilang buhay, pangarap, at kinabukasan upang makamit ang kalayaan na tinatamasa natin ngayon.

Ang kanilang kabayanihan ay hindi lamang bahagi ng ating kasaysayan. Ito ay buhay na inspirasyon na nagpapaalala sa atin na ang tunay na pagmamahal sa bayan ay nasusukat sa kahandaang magsakripisyo para sa kapakanan ng iba.

Ngunit sa paggunita natin sa ating mga bayani noon, nararapat din nating kilalanin ang mga bayani ng kasalukuyan—ang ating mga manggagawa, guro, magsasaka, mangingisda, sundalo, pulis, health workers, mga OFW, at lahat ng mga Pilipinong araw-araw na nagsisikap at nagsasakripisyo para sa kanilang pamilya at para sa bansa.

Sa kanilang sipag, katatagan, at malasakit, patuloy nilang pinapalakas ang ating bayan at binibigyang saysay ang kalayaang ipinaglaban ng ating mga ninuno.

Bilang mga Dabawenyo, ipagdiwang natin ang araw na ito hindi lamang sa pamamagitan ng pag-alala sa ating kasaysayan kundi sa pamamagitan din ng pagkakaisa, pagmamalasakit sa kapwa, at sama-samang pagtutulungan upang makabuo ng isang mas ligtas, mas maunlad, at mas mapayapang komunidad para sa susunod na henerasyon.

Nawa’y magsilbing gabay ang diwa ng kalayaan upang manatili tayong matatag sa harap ng mga pagsubok at patuloy na maging instrumento ng pag-asa at pagbabago para sa ating kapwa.

Sa araw na ito, taas-noo nating ipagmalaki ang ating pagka-Pilipino at ang ating pagmamahal sa bayan.

Maligayang Araw ng Kalayaan!

Mabuhay ang ating mga bayani noon at ngayon. Mabuhay ang mga Dabawenyo. Mabuhay ang Sambayanang Pilipino. Mabuhay ang Pilipinas!

Sa pagdiriwang natin ng ika-128 Anibersaryo ng Araw ng Kalayaan, buong pusong nagpupugay ang Lungsod ng Davao sa mga bayaning nag-alay ng kanilang buhay, pangarap, at kinabukasan upang makamit ang kalayaan na tinatamasa natin ngayon.

Ang kanilang kabayanihan ay hindi lamang bahagi ng ating kasaysayan. Ito ay buhay na inspirasyon na nagpapaalala sa atin na ang tunay na pagmamahal sa bayan ay nasusukat sa kahandaang magsakripisyo para sa kapakanan ng iba.
Ngunit sa paggunita natin sa ating mga bayani noon, nararapat din nating kilalanin ang mga bayani ng kasalukuyan—ang ating mga manggagawa, guro, magsasaka, mangingisda, sundalo, pulis, health workers, mga OFW, at lahat ng mga Pilipinong araw-araw na nagsisikap at nagsasakripisyo para sa kanilang pamilya at para sa bansa.