Mga Duterte sa Kongreso Misulong og Balaod alang sa Bag-ong Department of Fisheries

7/21/25, 4:00 AM

MANILA, Pilipinas — Hulyo 17, 2025 — Aron matabangan ang mga komunidad sa baybayon ug mareporma ang sektor sa pangisda sa nasud, si Congressman Harold James Duterte, representante sa Pwersa ng Pilipinong Pandagat (PPP) Party-list, mipasa sa House Bill No. 2065 o ang gitawag nga "Department of Fisheries and Aquatic Resources (DFAR) Act."

Ang maong balaodnon, nga gisumite niadtong Huwebes, nagtumong sa pagtukod sa usa ka bag-ong Department of Fisheries and Aquatic Resources (DFAR) nga mopuli sa kasamtangang Bureau of Fisheries and Aquatic Resources (BFAR).

MANILA, Pilipinas — Hulyo 17, 2025 — Aron matabangan ang mga komunidad sa baybayon ug mareporma ang sektor sa pangisda sa nasud, si Congressman Harold James Duterte, representante sa Pwersa ng Pilipinong Pandagat (PPP) Party-list, mipasa sa House Bill No. 2065 o ang gitawag nga "Department of Fisheries and Aquatic Resources (DFAR) Act.

" Ang maong balaodnon, nga gisumite niadtong Huwebes, nagtumong sa pagtukod sa usa ka bag-ong Department of Fisheries and Aquatic Resources (DFAR) nga mopuli sa kasamtangang Bureau of Fisheries and Aquatic Resources (BFAR).

Ang DFAR ang mangunang ahensya sa paghimo og palisiya, regulasyon, ug implementasyon sa tanang butang may kalabotan sa pangisda ug aquatic resources sa Pilipinas.

Kauban sa pagsumite sa maong balaod si Davao City 1st District Rep. Paolo Duterte ug Davao City 2nd District Rep. Omar Duterte ISIP mga co-authors nga nagpakita sa hugpong nga paningkamot sa mga mambabalaod sa Davao aron hatagan ug igo nga pagtagad ang usa sa labing gipasagdang sektor sa nasud. 

“Ang pagtukod sa DFAR usa ka paagi aron hatagan sa tinuod nga importansya ang sektor sa pangisda. Ang atong mga mangingisda angay nga adunanay ahensya nga mopanalipod sa ilang katungod, mubarog para sa ilang panginabuhian, ug magpanalipod sa atong kadagatan para sa umaabot nga henerasyon,” matod pa ni Rep. Harold Duterte.

Bisan pa man sa ilang kontribusyon nga ₱269.64 bilyon sa ekonomiya sa Pilipinas sa 2022 — kon 12.82% sa GDP sa nasud — nagpabilin sa krisis ang sektor sa pangisda. Base sa datos sa Philippine Statistics Authority (PSA), ang mga mangingisda adunay pinakataas nga poverty incidence sa tanang sektor sa 30.6%. 

Sa tuig 2022, dunay 2.3 milyong rehistradong mangingisda ubos sa BFAR Fisherfolk Registration System (FishR), apan nagtuo ang mga eksperto nga mas dako pa ang tinuod nga ihap tungod sa kawalay access ug kakulang sa pagparehistro sa ubang mga lugar. 

Ang gisugyot nga DFAR nagtumong sa pagpahapsay sa serbisyo sa gobyerno, pagtangtang sa overlapping nga mga ahensya, ug pagpalig-on sa mga programa sa konserbasyon ug sustainability. Labaw sa tanan, kini naghatag og prayoridad sa tingog, panginahanglan, ug kaugmaon sa mga mangingisdang Pilipino pinaagi sa usa ka ahensya nga dedikado gayud para kanila. 

USA KA GISAAD NGA NATUMAN 

Gipasiugda ni Rep. Harold Duterte nga kini nga balaod usa ka pagtuman sa saad sa PPP nga palig-onon ang tingog sa mga marginalisadong sektor, labi na ang mga mangingisda. “Pangugna pa lang ni. Ania kami aron masiguro nga kadtong mga nagpaningkamot sa dagat aron pakaonon ang nasud, mamatian ug ma-representar na gyud sa Kongreso,” matod pa niya. 

Duna pa’y laing duha ka dugang nga balaodnon bahin sa pangisda nga ipasa ni Rep. Duterte sa umaabot nga mga semana, nga tumong nga mas mapalambo ang sektor ug mas mapa-andam kini sa mga hagit sa umaabot.

Uban sa lig-on nga suporta sa Duterte bloc ug nagkadako nga awareness sa kahimtang sa kabaryohan, gilauman nga Ang House Bill 2065 makadani og suporta sa mga umaabot nga committee hearings.